Un home faleceu diante do televisor. Non sería noticia se non fose porque, tras catro meses en que ninguén o botou de menos, atopouno case momificado un operario da compañía eléctrica. Pouco despois ten lugar outro macabro descubrimento, esta vez nun bosque. Xunto a un abeto achan un cadáver semienterrado na neve. Debe de levar aí desde verán e, atrapado entre os seus dedos, hai un guecho de cabelos louros.
Mentres William Wisting, detective do corpo de policía de Larvik, investiga o segundo caso, a súa filla, Lisa Wisting, volve uns días ao seu pobo natal para preparar unha reportaxe sobre o primeiro: como pode morrer alguén así en Noruega, un dos países máis prósperos do mundo?
O que ninguén intúe é que pronto emerxerá das sombras a inquietante figura dun usurpador: un asasino en serie que, suplantando a identidade dalgunhas das súas vítimas, eludiu á xustiza durante décadas. Aínda por riba, o FBI vai pisar chan noruegués para darlle caza e con eles deberá colaborar, gústelle ou non, o taciturno William Wisting.

Petrona Award