Este libro conta a traxedia dun home equivocado, que recoñece o seu erro cando xa non pode desfacer o feito. A violencia, a sedución, a furia, o remorso, desenvolven a súa implacable lóxica no marco dun tempo confuso, o século XII. Pombo narra o imposible propósito de unificar relixión e guerra, espiritualidade e política, amor e crueldade. A política de Acardo, o protagonista, está zarandeada por mensaxes contraditorias: o atractivo da guerra, a fascinación polo influente San Bernardo de Claraval, a brillantez da corte do duque de Aquitania, trobador e tiránico, a atracción e o rexeitamento cara á vida monástica, a sedución pola cultura islámica, sutil, refinada. É posible unificar esa variedade de chamadas, incitacións, desexos, ou sería tentar cadrar o círculo? O resultado é esta novela excepcional, galardoada co Premio Fastenrath da Real Academia Española.