Tít. orix.: Piç

Hakan Günday sitúanos como lectores nunha posición difícil respecto a os singulares personaxes desta novela, xa que parecen obstinarse en facer case imposible que empaticemos cos seus actos e pensamentos. Asistimos ás conversacións e escasas accións dun grupo de bastardos nun Istambul afastado de calquera imaxinería exótica ou turística. En Turquía un bastardo non é só un fillo ilexítimo; tamén é bastardo aquel que traizoa e deshonra á súa familia. Aquí temos a catro bastardos, catro inadaptados por preguiza e non por ideais. Diso eles non teñen, tan só un desmedido amor por si mesmos e unha visión sociópata de todo e todos os que os rodean. Malgastan a súa vida, malgastan diñeiro, malgastan ás súas familias, malgastan a calquera que se cruza no seu camiño...