Despois de que un grupo de alumnos voe polo aire o laboratorio de ciencias, de forma accidental, a profesora Fernanda decide darlles unha lección para demostrarlles o importantes que son a física e a química. Faralles beber un estraño líquido e deixaralles unha mensaxe: terán que seguir unha serie de pistas para atopar o antídoto, pero deberán facelo antes das dúas da tarde, ou algo terrible ocorrerá.
Jorge, Petra e Max percorrerán toda a cidade buscando e resolvendo os enigmas para salvar a súa vida, e é que xa sabían eles que o accidente terminaría pasándolles factura, aínda que xamais pensaron que de forma tan dramática.