Vídeos, música e multimedia

Película cineamtográfica. Nacionalidade: Dinamarca, 1987. -- Int.: Stéphane Audran, Jean-Philipe Lafont, Gudmar Wivesson, Jarl Kulle, Bibi Andersson, Bodil Kjer, Brigitte Federspiel, Lisbeth Movin. -- Sinopse: Século XIX. Nunha remota aldea de Dinamarca, dominada polo puritanismo, dúas anciás irmás, que permaneceron solteiras, recordan con nostalxia a súa afastada xuventude e a ríxida educación que as obrigou a renunciar á felicidade. A chegada de Babette, que vén de París, fuxindo da guerra civil, cambiará as súas vidas. A forasteira pronto terá ocasión de corresponder á bondade e á calor con que foi acollida. Un premio de lotaría permítelle organizar unha opulenta cea cos mellores pratos e viños da gastronomía francesa. Todos os veciños aceptan o convite, pero póñense previamente de acordo para non dar mostras dunha satisfacción que sería pecaminosa. Pero, pouco a pouco, nun cerimonial intenso e emotivo, van cedendo aos praceres da cociña francesa. -- DVD PAL zona 2. Son 2.0 Dolby Digital. Idiomas: V.O. danés, castelán; subtít.: castelán. -- Aut. para todos os públicos. -- Distribuída co Diario El País