Nos anos de entreguerras, un transatlántico, o Virginian, percorría os roteiros entre Europa e América, coa súa carga de millonarios, de turistas, de emigrantes. No Virginian tocaba cada noite un pianista extraordinario, chamado Novecento, cunha técnica marabillosa, capaz de arrincar notas máxicas, inauditas. Falábase do seu inusitado duelo pianístico nada menos que con Jelly Roll Morton, o inventor do jazz. Dicíase que o melancólico pianista nacera no barco, do que xamais descendería. Dicíase que ninguén sabía a razón.