Unha novela crítica, divertida e reflexiva sobre a adicción, o consumismo e a soidade da sociedade norteamericana, escrita con gran sabedoría e sentido do humor.
Un lugar: Enfield, Massachusetts. A cen millas da Gran Concavidade, un ermo radioactivo cheo de bebes mutantes do tamaño de avións, criaturas sen cranio e hordas de hámsters salvaxes.
Unha época: o ano da Roupa Interior para Adultos Depend, no Tempo Subsidiado, nunha América rexida polo totalitarismo ecolóxico da ONAN, gobernada á súa vez pola escura Oficina de Servizos Non Especificados, en guerra perpetua contra o ultraviolento antiONANismo de Quebec.
Unha institución: a Academia Enfield de Tenis, ultraelitista e onde impera unha disciplina destinada a abolir todo pracer.
Unha familia: os Incandenza. James Incandenza, óptico militar convertido en cineasta de apres-garde, e a súa muller, a promiscua Avril, que alimenta escuras conexións coa guerrilla de Quebec. E os seus tres fillos: Orin, xenial pateador de fútbol americano e sedutor transnacional; Mario, anano e deforme, cineasta como o seu pai e posuidor dunha sensibilidade prodixiosa, e Hal, promesa do tenis xuvenil e atormentado por un secreto terrible.