Na portada: Galería Morava de Brno

Un álbum marabilloso que convida a maiores e pequenos a coñecer o mundo dos museos e as galerías de arte. Por que e cando se crearon as galerías e os museos? Para que serven? Gustaríache traballar nun deles? En que consiste a preparación da exposición? Como se fai un museo responde a todas estas e outras preguntas dunha forma divertida e moi ben documentada. Despois de lelo, os nenos e as nenas deixarán de ver os museos como lugares serios e de maiores. comezarán a percibilos como lugares onde poden experimentar encontros inesperados e descubrir historias impresionantes. Este libro, que foi premiado na Feira do Libro de Boloña, inclúe tres fantásticas páxinas despregables.