No lombo: 5

Ningunha outra cidade capturou a imaxinación dos artistas de todas as épocas como Roma. A Cidade Eterna foi tradicionalmente destino de escritores desexosos de contemplar ruínas de glorias pasadas e de asombrarse diante das marabíllas da arte que gardan as súas igrexas, palacios e museos. Esta Guía literaria de Roma ofrece ao lector os pensamentos e sensacións que Roma espertou nos escritores máis soados que a visitaron. É unha visión distinta e literaria da máis artística das cidades, ilustrada con deliciosos gravados de Giovanni Battista Piranesi, Giuseppe Vasi e Rossini. Imprescindible como complemento a unha guía tradicional, Guía literaria de Roma permítenos gozar dunha tripla viaxe: no espazo, cara aos monumentos e marabillas romanas; no tempo, cara a outras épocas e sensibilidades; e no espírito, cara a algunhas das mentes máis creativas, divertidas e magníficas que deu a cultura de Occidente.