Bibliogr.: p. 94-95.

Hai un momento máxico na historia da humanidade no que homes e mulleres relatan a orixe do mundo, imaxinan os deuses aos que adoran, crean historias inesquecibles nas que reflicten o ben e o mal, o amor e o odio, a forza e a debilidade, a astucia e a estupidez, a soberbia e a humildade, a amizade e a traizón, a loita polo poder, a xenerosidade e a avaricia, a miseria humana e a heroicidade.
Este momento máxico é o da cultura grega, no que se dá forma a unha das grandes contribucións culturais da humanidade, a mitoloxía clásica, que logo os romanos adaptarán e ampliarán. Estes mitos impregnaron toda a historia cultural de occidente. Non podemos entender a nosa cultura, a nosa literatura, a nosa arte, a nosa música, non podemos entendernos a nós mesmos sen os mitos clásicos. Porque, ademais, os mitos ilústrannos sobre a vida. Móstrannos a realidade tal como é, coas súas marabillas e os seus horrores.