Tít. orix.: The turn of the screw

Unha moza inglesa chega a unha vella mansión no campo para encargarse da educación dun neno e dunha nena que quedaron orfos. Pouco tempo despois da súa chegada, descobre que os nenos reciben periódicas "visitas" dos seus antigos preceptores, un home e unha muller mortos un ano atrás. A institutriz, arrepiada, decide facer o posible para defender aos nenos, cuxa custodia se lle encomendou, e trata de interpoñerse entre eles e as pantasmas. Con esta historia, aparentemente tan sinxela, Henry James logrou realmente o "máis difícil aínda": dar outra volta a esa "porca" que hai escondida en todo relato de terror.