Estocolmo, inverno de 1962. Dous homes de mundos opostos enfróntanse sobre un taboleiro de xadrez. Arturo Pomar, o neno prodixio da posguerra que agora traballa como auxiliar de Correos en Ciempozuelos, encara a súa última gran oportunidade deportiva contra un americano novo, excéntrico e ambicioso: Bobby Fischer. Un foi peón do franquismo; o outro o será da Guerra Fría. Con esta partida e os seus adversarios como fío condutor, O peón percorre as vidas de numerosos «peóns» entregados a unha causa política na España franquista ou nos Estados Unidos de Kennedy naquel convulso 1962. Comunistas, maquis, obreiros, socialistas, etarras, cristiáns, republicanos, estudantes ou falanxistas; afroamericanos, pacifistas, indíxenas, activistas antinucleares, esquerdistas ou militares de obediencia cega. Persoas que se sacrificaron #ante a ditadura ou o capitalismo pagando un prezo de morte, cárcere, exilio ou soidade.Como unha colaxe estruturada nos 77 movementos da partida Fischer-Pomar, Paco Cerdà tece unha orixinal historia achega do compromiso persoal, o xadrez e o poder para reflexionar sobre dúas cuestións: que fai a Historia en maiúsculas coa vida da xente minúscula, e como o sacrificio individual explica as loitas colectivas.